Për herë të parë në histori, veshjet tradicionale shqiptare marshuan në Trachten- und Schützenzug në kuadër të Oktoberfest, një nga festat më të njohura dhe më të mëdha në botë. Në mesin e 9000 marshuesve nga e gjithë Europa, këtë vit nuk munguan as veshjet tradicionale shqiptare, duke treguar pasurinë dhe bukurinë e trashëgimisë tonë kulturore.
Ky sukses i jashtëzakonshëm nuk do të ishte i mundur pa përkushtimin e shoqatës “Iliria München”, e cila me punën e saj të palodhur ka ruajtur dhe promovuar kulturën dhe kostumet tradicionale shqiptare, si dhe pa mbështetjen e fuqishme të Republikës së Kosovës, që e bëri këtë prezantim të mundshëm në një event ndërkombëtar.
Me krenari dhe emocion të jashtëzakonshëm marshuan së bashku me pjesëmarrësit edhe Konsulli i Përgjithshëm i Republikës së Kosovës në Mynih dhe Konsullja e Përgjithshme e Shqipërisë gjithashtu të veshur me kostumet tona tradicionale
duke treguar lidhjen e fortë me traditën tonë.
Veshjet e Rugovës, Drenicës, pastaj veshja e katunit por edhe veshja karakteristike e Hasit dhe xhubeleta u prezantuan me madhështinë e tyre, duke reflektuar historinë, artin dhe identitetin e pasur shqiptar.
Ky marshim nuk ishte vetëm një paradë, ishte një mesazh krenarie dhe identiteti për botën: kultura shqiptare është e gjallë, e bukur dhe e denjë për t’u admiruar.
Një moment historik, një krenari kombëtare që do të mbahet mend!
Zum ersten Mal marschierten albanische Trachten beim Trachten- und Schützenzug des Oktoberfests. Unter 9.000 Teilnehmern aus ganz Europa zeigten sie die Schönheit und Vielfalt unseres Kulturerbes.Mit Stolz präsentierten auch unser Generalkonsul und die Generalkonsulin Albaniens unsere traditionellen Kostüme.
Generalkonsul und die Generalkonsulin Albaniens unsere traditionellen Kostüme.Ein historischer Moment voller Stolz und kultureller Identität!
