“Laureatët 2024” nga FFK,  Emërllahut çmimi ‘Futbollist i Vitit’, Edon Zhegrovës çmimi ‘Fadil Vokrri’ 

SYRI TV

Federata e Futbollit e Kosovës organizoi ceremoninë e saj tradicionale “Laureatët 2024”  ku u ndanë çmimet prestigjioze për arritjet e jashtëzakonshme gjatë vitit që po e lëmë pas. Në këtë ngjarje madhështore, personalitete të shquara nga fusha e sportit dhe institucione të ndryshme nderuan më të dalluarit e vitit me pjesëmarrjen e tyre për kontributin e tyre në zhvillimin e futbollit.

Të pranishëm në ceremoni ishin edhe zv/ministrja e Kulturës, Rinisë dhe Sportit, Daulina Osmani, nënkryetari i FSHF-së, Lutfi Nuri, sekretari i përgjithshëm i FSHF-së, Ilir Shulku, ish-kryetari i FFK-së, Sabri Hashani, përzgjedhësi i Kombëtares së Kosovës, Franco Foda, dhe figura të tjera të shquara.

Pika kulmore e mbrëmjes ishte ndarja e çmimeve kryesore, “Futbillisti i Vitit” dhe “Çmimi Fadil Vokrri”, të cilat shkuan për Lindon Emërllahun e FC Ballkanit dhe yllin e skuadrës franceze, Lillë, Edon Zhegrova, të dy pjesë e Kombëtares së Kosovës.

Zhegrova, i cili ka shkëlqyer në skuadrën franceze gjatë këtij viti u shpreh i lumtur që është fitues i çmimit ‘Fadil Vokrri’. “Ndihem shumë i lumtur për çmimin e po ashtu që e mban emrin e legjendës Fadil Vokrri. Shpresoj se viti 2025 do të jetë edhe më i suksesshëm. Shpresoj të arrijmë qëllimet me Kosovën dhe me klubin. Me Kosovën shpresoj të arrijmë synimet bashkë me trajnerin Franco Foda dhe bashkë lojtarët”, ka thënë Zhegrova.

Ndërkaq, futbollisti më i mirë i vitit i zgjedhur me votat e gazetarëve sportivë, 22-vjeçari Emërllahu është shprehur i privilegjuar për këtë arritje.

FFK dhe kryetari Z. Agim Ademi janë pranë UKSHFZ dhe vlerësojnë angazhimin e UKSHFZ dhe kryetarin Feti Demoli bashkë me kryesin e Unionit.

Agim Ademi Kryetar i FFK, i dorëzoi çmimin meritor shtyllës mbajtëse nga mërgata para të gjithë të pranishmëve kryetarit të UKSHFZ z.Feti Demoli.

Kryetari i UKSHFZ z.Feti Demoli falënderoi FFK dhe kryetarin Agim Ademi për mbështetjen dhe besimin ndaj tij për urë lidhjen e klubeve të futbollit shqiptareve dhe talenteve të rinj shqiptar në Zvicër.

Nga UKSHFZ ishin të pranishëm Kryetari i UKSHFZ z. Feti Demoli bashkë me anëtarin e kryesisë z. Reshit Morina të cilët ngrohtësisht ishin të mirëpritur nga të gjithë.

“E falënderoj Federatën e Futbollit të Kosovës për këtë çmim. Për mua është nder dhe privilegj. Çmimi shkon për familjen time, që më ka qëndruar afër si në ditë të mira edhe në ato të vështira. Falënderoj edhe klubin e Ballkanit dhe bashkë lojtarët, sepse pa ta do të ishte e pamundur të arrija deri këtu”, ka thënë Emërllahu.

Ndërkohë, Top 11-shja e vitit është zgjedhur me votat e trajnerëve të Super ligës.

Presidenti i FFK-së, Agim Ademi, gjatë ceremonisë mbajti një fjalim frymëzues, duke rikujtuar sfidat dhe arritjet e futbollit në Kosovë dhe kontributin e gjithë atyre që kanë punuar për zhvillimin e tij.

“Futbolli në Kosovë ka një traditë mbi 100-vjeçare, por si federatë e pranuar ndërkombëtarisht jemi vetëm tetë vjeç. Megjithatë, në këtë periudhë të shkurtër kemi arritur suksese të jashtëzakonshme. Këto arritje janë fryt i punës së palodhshme të futbollistëve, trajnerëve, klubeve, institucioneve dhe mediave”, tha Ademi. Ai gjithashtu nderoi të gjithë ata që kontribuuan në futbollin kosovar në të gjitha fazat, duke kërkuar një duartrokitje një minutëshe për ta.

Zv/ministrja e Kulturës, Rinisë dhe Sportit, Daulina Osmani, vlerësoi bashkëpunimin me FFK-në dhe planet ambicioze për ndërtimin e infrastrukturës së sportit.

“Prej vitit të kaluar kemi nisur një projekt të madh me FFK-në dhe me 18 komuna, për ndërtimin e mbi 20 stadiumeve deri në vitin 2027. Ky projekt synon ta bëjë Kosovën lider në rajon në aspektin e infrastrukturës së futbollit”, theksoi Osmani.

Ceremonia u pasurua me performanca artistike, duke kulmuar me këngëtaren e mirënjohur Shkurte Fejza, e cila ndezi atmosferën me interpretimet e saj të këngëve si “Mora fjalë”, “Xhamadani vija-vija” dhe “E kam emrin kosovar”.

Çmimet kryesore “Laureatët e Vitit 2024”

  • Shpresa e Vitit 2024 (Vajzat): Erëza Gashi (KFF 16 Qershori)
  • Klubi më i mirë 2024 (Vajzat): KFF Mitrovica
  • Futbollistja më e mirë 2024 (Vajzat): Albulena Fejza
  • Klubi më i mirë 2024 (Futsall): FC Prishtina 01
  • Lojtari më i mirë 2024 (Futsall): Drilon Maxharraj
  • Çmimi për arritje ndërkombëtare: FC 2 Korriku U19
  • Gjyqtari më i mirë 2024: Visar Kastrati
  • Klubi më Fair Play 2024: FC Drita
  • Klubi më i mirë 2024: FC Ballkani
  • Trajneri i vitit 2024: Ilir Daja
  • Golashënuesi më i mirë 2024: Drilon Hazrollaj
  • Çmimi “Fadil Vokrri”: Edon Zhegrova
  • Futbollisti i Vitit 2024: Lindon Emërllahu

 

TOP 11-shja e vitit:

  1. Faton Maloku – FC “Drita”
  2. Besnik Krasniqi – FC “Drita”
  3. Ilir Krasniqi – KF “Llapi”
  4. Lumbardh Dellova – FC “Ballkani”
  5. Arlind Veliu – FC “Malisheva”
  6. Drilon Hazrollaj – FC “Malisheva”
  7. Lindron Emërllahu – FC “Ballkani”
  8. Albert Dabiqaj – FC “Drita”
  9. Almir Ajzeraj – FC “Drita”
  10. Muhamet Hyseni – KF “Llapi”
  11. Mevlan Zeka – FC “Suhareka”

Mirënjohje të veçanta

  • Ministria e Kulturës, Rinisë dhe Sportit
  • Muamed Sejdini (FFM)
  • Policia e Kosovës
  • Komuna e Prishtinës
  • Veteranët – Gjenerata e Sakrificës
  • Dardanët
  • UKSHFZ – Feti Demolli
  • FFSHGJ – Ruzhdi Statovci
  • Kombëtarja e të Amputuarëve
  • Kombëtarja e të Verbërve

Mirënjohjet për partnerët 

  • TEB
  • Raiffeisen Bank
  • Albi Mall
  • BPB
  • Emerald
  • KEDS
  • Bon Voyage
  • Mokne
  • Art Motion
  • HIB
  • Link Plus
  • Errea