U dëmtua me Kombëtaren, Gjimshiti humb derbin me Veselin në Serie A

0
168

Berat Gjimshiti pësoi një dëmtim në ndeshjen me Skocinë dhe u largua nga grumbullimi vetëm një ditë para ndeshjes miqësore ndaj Uellsit.

Dëmtimi mesa duket nuk është shumë i rëndë për qendërmbrojtësin kuqezi, por megjithatë, me shumë gjasa këtë javë nuk do të jetë i gatshëm për Atalantën.

Lajmi bëhet i ditur nga mediat italiane, të cilat raportojnë se mbrojtësi është stërvitur në mënyrë të diferencuar nga pjesa tjetër e skuadrës dhe ditët në vijim do të shihet gjendja e tij.

Ai ka nisur të gjejë minuta në kampionat, madje shënoi edhe gol në fitoren e thellë 4-1 ndaj Interit.

Këtë javë, Atalanta luan në kampionat ndaj Empolit dhe Gjimshiti do të kishte një “derbi shqiptar”, duke qenë se në krahun tjetër, është edhe Frederik Veseli i cili ka lënë pas dëmtimet dhe luajti titullar në dy ndeshjet e Kombëtares.

Ditët në vijim, do të shihet më mirë gjendja e Gjimshitit që me shumë gjasa, Gasperini nuk do ta rrezikojë, duke qenë se edhe të tjerët që ishin të dëmtuar, janë rikthyer.