MILORAD DODIK: REPUBLIKA SERBE DHE VERIU I KOSOVËS T’I BASHKOHEN SERBISË, KURSE KOSOVA ME SHQIPËRINË

0
247

Dodiku: Republika Serbe të bashkohet me Serbinë me komunat veriore të Kosovës

Presidenti i Republikës Serbe të Bosnjës dhe Hercegovinë, Millorad Dodik, ka dhënë një ide për të zgjeruar territorin e Shtetit të Serbisë.

Në një intervistë për gazetën serbe Kurir, ai ka thënë se do të duhej të bëhej bashkimi i Republikës Serbe të Bosnjës, Serbisë dhe komunave të Kosovës të banuara me serbë në veri. Kjo, sipas tij, do të ofronte një zgjidhje afatgjatë për stabilitetin në Ballkan.

“Kosova është një çështje e dhimbshme, por ne duhet të hapim dialogun me serbët dhe të themi se tri komunat duhet të mbesin brenda Serbisë”, ka thënë Dodik. “Kjo do të ishte një satisfaksion për serbët. Kjo do të largonte ndjenjën nga serbët se janë poshtëruar në tërë këtë situatë”.FR.