Konfirmohet, Rita Ora me koncert në ditën e pavarësisë së Kosovës në Prishtinë

0
190

Kosovës i kanë mbetur edhe disa ditë për festimin e dhjetëvjetorit të Pavarësisë.

Me këtë rast këshilli organizativ ka paraparë edhe një numër të madh të aktiviteteve kulturore-artistike.

Një ndër to është edhe mbajtja e një koncerti të Rita Orës më 17 Shkurt në kryeqytetin kosovar, Prishtinë.

Lajmin për Telegrafin e ka konfirmuar Adil Behramaj, këshilltari i presidentit Hashim Thaçi.

“Po, tashmë e kemi të konfirmuar ardhjen e Rita Orës në Prishtinë. Aktualisht jemi duke u koordinuar me ekipin e këngëtares rreth koncertit që do ta mbajë më 17 Shkurt”, ka deklaruar Behramaj.