KALTËRSIA E DETIT

0
267

Kaltërsia jote magjike
më magjeps
pafundësi e paarritur
në syrin tim

Vezullimë rrezet e diellit
shndrisin mbi ty
Valët e ngazëllyera 
hedhin valle në lundrim

Bukuri e pa përshkruar
më je ti
kur kënga e dallgëve të tua
si kor i akorduar fillon

Qielli merr me vete
jehonën e dashurisë
rrezet e diellit marrin
ngjyrën e ylbertë

Sikur të mundja mbi ty 
të ndërtoja shtëpinë
dallgëve të tua
t`ua qaja hallet

Brengën time
ta merrnin me vete
e ta përplasnin
me forcë në shkëmb.
 
Kimete Durmishi